影片
更多
2024-05-26
149 浏览
今日去西营盘，经过细个时住𠮶头，发现开咗好多新嘅食肆小店，其中一间系日式居酒屋，入面播紧似系怀旧日本嘅音乐同歌曲，吸引咗我同老公去试下。入面装修望落都好日本居酒屋feel，店员好热情同我哋介绍唔同类型嘅嘢食仲有happy hour串烧套餐。店员话之后店舖嘅Menu会换新嘅。我哋叫咗啲店员介绍嘅小食之外，另外点咗一个三文鱼亲子丼。日式鸡软骨饺子（5只） $58 送上枱时老板娘叫我地唔好等，要趁热食先卜卜脆。果然真系好脆，馅料入边嘅鸡软骨好有细，咬落有口感之余又唔会哽牙，味道都唔错。烧豆腐鱼饼$48鱼饼烧得金黄色，豆腐唔散，入口有鲜鱼味，又滑，又唔油，食完一块仲想食。火炙双色芝士三文鱼卷(4件）$88三文鱼夹响饭入面，饭上面再加火炙三文鱼同鱼子连金箔，仲有车打芝士丝，同埋疑似系水牛芝士丝芝士同沙律酱，好大件。火炙芝士浓郁，连同三文鱼一齐食，呢个价钱有四件，好味又抵食。厚切三文鱼亲子丼$168有4块劲大又厚三文鱼腩，食落好有满足感，另外呢个当有蟹柳同甜蛋，上面再加大量三文鱼籽，绝对唔马虎，好新鲜之余，大件夹抵食。寿司饭口感亦唔错，唔会太冻，温度刚好，再加上有啲青瓜丝同芝麻一齐食，零舍香及爽口
入面装修望落都好日本居酒屋feel，店员好热情同我哋介绍唔同类型嘅嘢食仲有happy hour串烧套餐。店员话之后店舖嘅Menu会换新嘅。我哋叫咗啲店员介绍嘅小食之外，另外点咗一个三文鱼亲子丼。
日式鸡软骨饺子（5只） $58
送上枱时老板娘叫我地唔好等，要趁热食先卜卜脆。果然真系好脆，馅料入边嘅鸡软骨好有细，咬落有口感之余又唔会哽牙，味道都唔错。
烧豆腐鱼饼$48
鱼饼烧得金黄色，豆腐唔散，入口有鲜鱼味，又滑，又唔油，食完一块仲想食。
火炙双色芝士三文鱼卷(4件）$88
三文鱼夹响饭入面，饭上面再加火炙三文鱼同鱼子连金箔，仲有车打芝士丝，同埋疑似系水牛芝士丝芝士同沙律酱，好大件。火炙芝士浓郁，连同三文鱼一齐食，呢个价钱有四件，好味又抵食。
厚切三文鱼亲子丼$168
有4块劲大又厚三文鱼腩，食落好有满足感，另外呢个当有蟹柳同甜蛋，上面再加大量三文鱼籽，绝对唔马虎，好新鲜之余，大件夹抵食。寿司饭口感亦唔错，唔会太冻，温度刚好，再加上有啲青瓜丝同芝麻一齐食，零舍香及爽口。
除咗我哋所点嘅嘢食之外，老板娘系我哋点菜前送咗一客枝豆同蕨饼俾我哋做甜品。另外，响餐厅墙壁有好多食客留言，其中一个系徐小凤，我问店员，佢话系真系小鳯姐，仲话小凤姐都赞个师傅啲嘢好好味。
张贴
