博多拉麵別天神 (已結業)

呢间舖头仔唔系好起眼，但其实好值得一试。今日就揾埋友人各自叫一个套餐，咁就可以试哂两款拉面加两款小食。*小龙虾蟹料沙律好有口感，啖啖小龙虾，加埋紫菜食就冇咁腻。*饺子煎得啱啱好，唔会食到成咀油，又唔会个皮好厚，而且仲有少少香脆㖭。*虾味噌豚骨汤面我自己就拣咗有虾嘅，但其实个汤啲虾味唔算浓，食之前都饮咗几啖汤。佢面质啱我口味，因为唔钟意食太软身嘅，好怕似系浸咗好耐咁。佢呢间虽然冇得俾你拣面质但都煮得好适中。叉烧唔韧，又唔怕太薄。个半熟蛋都好好味，其实我唔系好钟意‘流心’嘅，所以呢个啱啱好。