元札幌拉麵 (宇晴軒商場) (已結業)

入到去，成间舖头嘅装修都好有日本特色。饮品方面，晚市套餐送汽水，汽水系玻璃樽，好有情怀，加分！我地嗌左3个套餐，分别系三文鱼刺身定食($108)，北海道芝士忌廉炸鸡饭（$98），元拉面酱油汤底（$62）。三文鱼刺身定食，材料丰富，用料新鲜，块块三文鱼都系厚切！定食入面仲包埋一碗面豉汤一碗沙律同一个茶碗蒸。成个定食一摆上台就好有日本嘅感觉。元拉面，酱油汤底浓郁，我拣咗硬嘅面身，果然爽口弹牙，亦都有呢个清甜嘅竹笋同埋鲜味嘅昆布，再配合埋呢个肥美嘅叉烧，简直就系天衣无缝嘅组合。北海道芝士忌廉炸鸡饭，忌廉香味扑鼻而来，同呢个饭配合得好好。炸鸡外脆内嫩，又大大旧，真系好味又医肚。.