丸十日本食堂 (已結業)

一直都想喺香港品尝到美味嘅铁板烧，今日终于比我遇上丸十。首先，第一道菜系铁板和牛炒饭，每一粒饭都经过精雕细琢、颗粒分明，和牛既香味慢慢咁样攻入我嘅鼻哥窿入边，未摆入口足以令我食欲大增。和牛炒饭入口即溶，就算吞咗落喉咙都齿颊留香，我感受到日本冲绳海面上嘅翻腾同埋海浪声。第二道菜系鸡肉之盛宴。鸡嘅精华喺边度？唔使我讲你都知道。五串鸡肉串烧包括鸡皮、鸡软骨、鸡翼、鸡肉串同埋鸡胸肉。一只鸡竟然可以有五种食法，每一种都令我感受到呢只鸡生前嘅活泼、可爱。第三道菜系忌廉芝士鳗鱼卷，浓郁嘅鳗鱼喺寿司饭上面包住中间一旧大大嘅芝士，上面洒上芝士脆脆，摆入口嘅时候鳗鱼卷嘅芝士充斥着整个口腔，每一啖都系芝士嘅香味。食完以上三款肉类，第四味我哋叫咗个铁板野菜，比想像中嘅份量大，包括有芽菜、椰菜、红萝卜等等。经过铁板上炒过，当中嘅色香味都达到至高嘅境界，亦都为刚刚食咗三款肉类，稍为调和一下。整个晚上服务员嘅态度都十分之殷勤，更可以玩社交平台送两旧免费寿司，而寿司饭并唔系一般嘅机整寿司饭，系睇得出系手握寿司。