鰹烏冬 (寶華閣)

营业中

休息中

听闻啲乌冬好好食，试完有少失望拣汤底拣左好耐，因为唔系好吸引，本身都对汤底唔抱太大期望，因为佢始终出名系乌冬好食，最后都系叫左清汤谂住系招牌。上到枱果然真系好唔好抱有期望，系好淡既汤底差唔多同水加少少盐咁，我要系咁加七味粉，但系乌冬系真系几好食，偏粗又弹牙，只系奇怪做乌冬做得好又系招牌，点解唔改善下啲汤底，又可能系我系重口味人士叫错汤底，人地净系靠乌冬都咁红一定有佢特别之处。唯一要赞既系骨付鸡，好香蒜味同够juicy又嫩。另外仲叫左个炸流心蛋，流心部分OK，炸粉都可以，如果可以有多少少咸味就更加对得住$20一只既流心蛋。鲭鱼正常质素，唔难食。最后系成间餐厅走日本风，的确个环境有少少令我觉得似系日本，但店员系比茶餐厅服务 ，最后卖单，个店员讲完几钱收完钱找钱就一句野都无讲，多谢都无，只系挂住同个同事吹水系咁重覆「得唔得架」，我个下觉得自己原来系茶记食野。