三河屋•尾張屋

营业中

休息中

［日本风］睇演唱会前喺红磡揾食，好想食咖哩饭，立即就想起《三河屋》，6点去到已经冇晒位了。店员叫我地去对面尾张屋啦，话系一样架！见到招牌logo同style都同三河屋一样，入到去，系几个后生仔招呼我地。坐低谂都唔洗谂就叫左三河屋最出名嘅咖哩炸猪排饭同鳗鱼饭！咖哩猪排饭仲跟个汤tim! 咖哩猪排饭先到，个吉烈面脆卜卜，啲汁多到好似汤咁系三河屋一贯嘅作风， 咁就可以每一啖饭都有香浓咖哩汁！三河屋嘅咖哩汁唔系一般日式咖哩咁甜，佢系甜咖哩得黎都有咖哩嘅微辛同咖哩香！岩晒好怕辣嘅朋友！过多一阵，鳗鱼饭来了！条鳗鱼肥美肉厚，唔会好多骨，呢个价钱真系物超所值。值得一提，可能比起饭市我地早左少少到，两个人都比我地坐四人位，我地食到尾声开始好多人，但店员都好好无赶我地走，呢样嘢喺饮食界真系买少见少，你食慢少少都会令佢做少左生意咁架嘛！所以尾张屋系值得一赞嘅！