大門橫丁串燒手打烏龍麵店 (已搬遷) 新店位置

好耐冇食过日本野喇，经过厚福街黎到大门横丁，想食乌冬，所以比个Menu 吸引左入去。叫左一个鱼介汤秘制猪软骨手打乌冬and 胡麻软壳蟹沙律手打乌冬🥗🥘 个味道唔错呀，仲有劲多旧猪软骨，食到饱一饱。唯一好奇怪既系，我想要牙签，佢放低比我拎，五分钟都冇，即刻收返，好似惊我会拎好多咁，其实一间食店提供埋牙签系枱面比客人都好正常丫，唔洗悭到咁，所以感觉唔到日本既服务呀，呢样要改一改。同埋员工啲态度都唔太好，啲眼神比人感觉太差喇，因为冷气冻想转位，佢地果种既白鸽眼令客人觉得好似做错野咁，希望可以有所改善。