明治居酒屋

营业中

休息中

今日不經意發現了灣仔茂蘿街原來有古舊建築物，裡面仲有居酒屋😊 明治居酒屋環境整潔，好有日本餐廳特色。雜錦漬物，不單顏色吸引，味道一樣吸引，包括蘿蔔、苦瓜、牛蒡、蒜頭等漬物，各有特色。特色天婦羅拼盤，大大隻紫蘇葉炸蝦、淮山，仲有已去籽的辣椒，唔食得辣都可以食。松葉蟹甲羅燒，朋友至愛，蟹肉超級多又鮮甜。手做免治雞肉棒燒，廚師特別用日本赤雞做，雞味濃郁，肉質嫩滑，燒到微微金黃，配上蛋汁好味😋最後日式蕨餅，抹茶味濃，煙煙韌韌，為今晚晚餐畫上完美的句號。