奈良上釜 (已結業)

冬天，大部分香港人都会食煲仔饭，因为贪佢够热、够香、味道够浓。今次未到冬天，有朋友极级推介<<奈良上釜>>，叫我哋试下日式煲仔饭。我同我朋友仔各自叫份<<蟹盛>> 。<<蟹盛>>有松叶蟹脚天妇罗、松叶蟹脚冷物、蟹盛釜饭，味噌汤、渍物、生果。松叶蟹脚天妇罗：蟹脚被炸浆完全包围，但食落不油腻，同啖啖蟹脚肉。松叶蟹脚冷物：原条已熟既蟹脚，餐厅已预先系蟹脚底开了个洞。我只需用棒刮一下，全条蟹脚肉可刮出来，味道鲜甜。蒸蛋：好多配料，包括蟹子、冬菇等，当中最为突出系只蟹钳。蛋混合了蟹汁，又滑又鲜味。蟹盛釜饭：打开盖，蒸汽涌上，一只蟹样，饭上铺满蟹肉、蟹子和蟹膏。之后将饭同蟹肉、子、膏捞埋一齐，饭热、饭鲜、饭甜。米饭用左日本米，口感烟韧。与中式煲仔饭一样，锅底有饭焦，脆口。味噌汤、渍物、生果：味噌汤较清，萝卜新鲜无渣，酸莓醒胃，最后以新鲜既蜜瓜同士多啤梨作结尾。