聰嫂星級甜品 (已結業)

是日由湾仔接宝放学行落老铜打风前夕焗到热屎辣辣我地两个都大汗叠细汗，于是乎就去到永远长龙既聪嫂食个冰，降下体温今日聪嫂依旧有龙，一心谂住唔使排队既我地大叫唔系挂四五点都咁多人走去食甜品，聪嫂果然魅力没法挡！好彩等左五分钟都入到去，坐低之后就开始尝试禁制刚刚皮肤过敏既宝去食榴梿呢啲刺激性既湿热食物，但由于佢太想食既关系咁就由我叫左榴梿比佢过几啖口瘾，而佢就拣左清热解暑既龙眼冰。坐低环顾四周，夹杂左游客同香港人，其实都坐得几迫。无计，真系太多人钟意食聪嫂喇！宝就开始讲佢系第一批食聪嫂甜品既客人（佢以前成日去食港台聪哥canteen）而我真系第一次听聪嫂既发迹史😂名不虚传系聪嫂既镇店之宝每一啖冰都夹杂左榴梿肉，好 鬼 正！！今日好似系我帮衬聪嫂咁多次以黎第一次食榴梿冰！绝对一洗我以往对于食生果冰既印象！从来都觉得生果冰啲冰都系会无味，系冰还冰，生果还生果分开哂。而呢个系将榴梿肉雪到变冰再搅碎，冰同肉不再分离，无得顶龙眼椰果冰第一啖食都惊为天人点解会无食过咁好食既冰架，入口层次极丰富！又有椰果又有龙眼肉又有冰，系口腔入面爆炸咁后黎再食啲冰都有龙眼既果汁味但肉就偏少，所以扣一粒星埋单78，系满足