現 (已結業)

北角感觉都系茶餐厅、酒楼居多，但原来喺书局街隔离有条后巷收埋咗好多特色小店，今次就拣咗间coffeeshop食午餐。见今日唔太热，唔想入去同人搭枱，就坐咗喺出面。有把大白色遮遮住，唔惊上面滴水，又几凉爽。开始明点解啲外国人咁钟意坐室外🤪望返入舖头，门口枱仔摆咗signatured dish既黑板餐牌，入面大约16个位，空间唔算宽敞。寻晚打完边炉今日平衡返拣咗个纯素意粉，加杯flat white，意粉唔算太大碟，咖啡拉花简单。意粉用既系纯素忌廉汁，入口几香蒜味，牛油果令个酱汁更creamy，加咗松子又几香。意粉本身系al dente既，整体感觉唔会太油腻，不过$98又好似贵咗少少。Flat white味道香浓，不过奶泡唔算绵密，食完碟意粉再望杯咖啡啲泡泡已经毁灭咗个拉花，扣咗啲分。