SONIA COFFEE

营业中

休息中

去荃湾IKEA买完野于是喺附近揾地方食晚餐，喺愉景新城揾到呢间日系cafe就入去开餐喇店舖内已经换上圣诞装饰，节日气氛十足。当日大约六点松啲入座，安排坐梳化位几舒服。我哋两人叫咗两份主食，拣咗一份甜品布丁后上，仲有一杯桂花乌龙冷泡茶。清香嘅桂花乌龙茶叫咗一份餐厅signature嘅极上牛肉蛋包饭，可以拣茄汁或咖喱汁，我哋就拣咗茄汁。拳头咁大块嘅汉堡扒上面铺咗香喷喷嘅芝士，卖相都好吸引。 第一啖食到酸甜嘅茄汁，唔系夸张，即刻流晒口水 汉堡扒肉味都好香，我就钟意一啖有齐汉堡芝士滑蛋茄汁同饭咁样食！另外点咗一份香蒜蚬肉意粉，意粉湿润度啱啱好，亦充满蒜油嘅香味，仲有干脆嘅蒜片，有唔同层次嘅蒜蓉味。蚬肉味道就稍为淡少少，不过份量都唔少。最后上埋甜品，焦糖吉士布丁，装饰充满圣诞feel，上面红色绿色嘅饼干又靓又好食。焦糖布丁滑溜香甜，为呢餐画上完美嘅句号。