HIKARI

呢间日系Cafe环境清新明净，门口有玻璃透光，日头喺度发呆叹杯咖啡都几好～ 最特别系有层阁楼，上面有Tatami位坐，几啱打卡！又可以自成一角～晚餐嘅主食选择唔算好多，拣咗比较特别嘅嚟试吓，觉得味道唔错，特别系意大利饭，性价比OK！咖啡选择好多，拉花靓，值得试吓！🔸日式烧汁鳗鱼豆乳意大利饭 $138原条鳗鱼几软棉，烧汁唔会过甜～ 第一次见豆乳配意大利饭，估唔到几match，无忌廉汁咁易腻，饭粒软硬度适中，吸满豆乳汁好香浓，又有蔬菜粒同蘑菇增加口感！几好食，值得试试😋🔸慢煮鹿儿岛豚肉眼香草蕃茄汁马铃薯团子粉 $148有两块厚切豚肉，口感扎实啖啖肉，唔算干但稍为唔够juicy～ 团子粉口感软糯，配蕃茄汁几清新！🔸明太子薯条 $58份量多，薯条香脆，配明太子酱食，正！多啲酱更好🤣🔸君度橙酒朱古力咖啡 +$34叫主食，饮品可减$20～ 个拉花好靓！配咗一片橙干，朱古力咖啡香浓，有少少酒味，几好饮！