mr.kanso (已結業)

对于好钟意去日本，又好耐冇得去嘅我，睇杂志介绍有日本品牌登陆香港，当然第一时间去朝圣！最初听到罐头酒吧已经觉得好得意，香港冇呢类酒吧，嚟到第一眼见到个好壮观嘅罐头墙，未有得食已经可以先玩打卡！食物有好多款选择，都系啲大家都识嘅日本食物，好似玉子烧，大阪烧，日式咖喱，蟹膏之类。朋友嗌左杯Mocktail-Cloudy，佢话好好饮，清新嘅味道，颜色又靓，加个西班牙炒饭，个饭好食，上面加左新鲜嘅带子同虾，餐厅仲会喺旁边摆个罐头俾客人打卡。我就要左个Mocktail-Egg White，个造型好得意，上面有个波波，个波波爆嘅时候会有浸烟散出嚟，真系好特别，而且出奇嘅好饮，味道有层次，中间有菠萝同榛子嘅味道，呢杯无论造型同味道都好推介。另外个玉子烧都好出色，应该用高汤熬过，听店员讲喺日本店呢个玉子烧系最受欢迎嘅。个激辣咖喱饭系辣嘅，因为我食得辣，对我来讲就未至于激辣，里面有牛肉同薯仔，好送饭，好味！脆炸沙甸鱼炸得好香脆，特别钟意个辣辣地嘅酱汁，好夹。最后要咗个鲜奶咖啡，讲真本来冇乜期望，但又真系唔错，个咖啡豆好香，系我钟意嘅偏nutty味道。店员好友善，食完又同我哋介绍吓啲罐头，可以买返屋企，平