影片
更多
2022-06-18
1779 浏览
呢日陪朋友去太子买嘢，俾一间日系简约风格门面嘅街舖吸引咗，望一望，原来系间饺子店，二话不说，即刻入去试试～Menu嘅饺子选择都几丰富，有12款，另外仲有面餐同小食原本想试啲比较少见嘅饺子款式：菜芯猪肉饺、洋葱薯仔牛肉饺、京葱羊肉饺…… 只不过系六点几咋㖞，已经售罄 🤷🏻♀️结果Order 咗5只菠菜猪肉汤饺+5只西洋菜猪肉汤饺 、5只粟米芝士鸡肉煎饺+5只韭菜猪肉煎饺. 另外再加多款小食🔸汤饺汤底选择有鸡汤或者蕃茄薯仔汤我哋拣咗后者蕃茄薯仔味同菠菜猪肉饺&西洋菜猪肉饺都几夹个汤好有住家汤嘅风味，唔觉有落味精饺皮薄滑，馅料调味清淡两款汤饺都好味，不过个人更钟意西洋菜猪肉饺，因为西洋菜菜味浓郁，同埋西洋菜比菠菜更有口感🔸煎饺Menu 话煎饺需时20分钟，有哂心理准备要等耐少少，不过食住小食同汤饺嚟等，转眼就有得食喇～饺子煎得金黄香脆，内里又保留肉汁韭菜猪肉不嬲都系钟意浓味嘅朋友嘅首选，够哂香口个人觉得少见啲嘅粟米芝士鸡肉煎饺更出色、更有惊喜！馅料嘅组合有嚟自粟米嘅甜、芝士嘅咸同鸡嘅肉味，出嚟嘅效果系1+1+1 > 3 呢！🔸卤水牛𦟌牛𦟌下面有几条菜心，补充下今日蔬菜嘅摄取量🤣牛𦟌软
Menu嘅饺子选择都几丰富，有12款，另外仲有面餐同小食
原本想试啲比较少见嘅饺子款式：菜芯猪肉饺、洋葱薯仔牛肉饺、京葱羊肉饺…… 只不过系六点几咋㖞，已经售罄 🤷🏻♀️
结果Order 咗5只菠菜猪肉汤饺+5只西洋菜猪肉汤饺 、5只粟米芝士鸡肉煎饺+5只韭菜猪肉煎饺. 另外再加多款小食
🔸汤饺
汤底选择有鸡汤或者蕃茄薯仔汤
我哋拣咗后者
蕃茄薯仔味同菠菜猪肉饺&西洋菜猪肉饺都几夹
个汤好有住家汤嘅风味，唔觉有落味精
饺皮薄滑，馅料调味清淡
两款汤饺都好味，不过个人更钟意西洋菜猪肉饺，因为西洋菜菜味浓郁，同埋西洋菜比菠菜更有口感
🔸煎饺
Menu 话煎饺需时20分钟，有哂心理准备要等耐少少，不过食住小食同汤饺嚟等，转眼就有得食喇～
饺子煎得金黄香脆，内里又保留肉汁
韭菜猪肉不嬲都系钟意浓味嘅朋友嘅首选，够哂香口
个人觉得少见啲嘅粟米芝士鸡肉煎饺更出色、更有惊喜！馅料嘅组合有嚟自粟米嘅甜、芝士嘅咸同鸡嘅肉味，出嚟嘅效果系1+1+1 > 3 呢！
🔸卤水牛𦟌
牛𦟌下面有几条菜心，补充下今日蔬菜嘅摄取量🤣
牛𦟌软腍，不过麻油味较重，食唔到卤水味
甜记饺子嘅饺子选择款式丰富，饺子皮薄，馅料嘅调味都唔错，今日试嘅四款，以粟米芝士鸡肉煎饺最有特色！
更为impressive 系呢度嘅简约装修，外观完全睇唔出佢系一间中式饺子店，环境舒适，餐枱间保持相当嘅距离，如果想揾一个坐得舒舒服服嘅地方食饺子，呢到系一个唔错嘅选择！
张贴
