無印良品 (已結業)

今日就食咗Muji cafe位于九龙湾人流好多，座位宽敞，坐得都几舒服，装修日式muji风格，店内服务员有礼，做完登记探热后，服务员安排入座，用手机扫一扫枱上面的QR code就可以落单叫食物，非常方便，仲可以储埋分非常之方便，如果无下载手机应用程式，亦都可以到柜台直接点餐。Muji cafe 食物一向有水准，叫嘢食嘅方法组合有啲觉得好似自己食紧小型自助餐，每样少少😂，咁样叫法都有好处可以食到唔同嘅嘢，啱晒选择困难症嘅人，可以试多几种食物。值得再去。