ねずみの王冠 喫茶店

营业中

休息中

周末下昼嚟到观塘觅食，目标都系楼上嘅食肆。本来谂住去世贸大楼𠮶间人气咖啡店，但果然人气店系要排队嘅，而且排队嘅地方比较狭窄。我同好友立即转场，途经巧明街被依间铺头嘅相吸引咗上嚟🤩🤩。蒲烧潮鲷鱼腩定食定食包面豉汤，渍物，及餐饮。鲷鱼份量不少，鱼肉算嫩，酱汁颇甜所以唔觉有腥味，但沙律菜偏苦，食咗一啖已经放弃咗。另外𠮶碗饭既唔系用珍珠米，卖相亦十分之差，连普通酒楼嘅靓仔都装靓过佢🤣🤣。好友拣咗宫崎唐扬南蛮鸡，炸鸡上枱时仍然热辣辣，鸡肉尚算嫩滑，配埋个酱汁都唔错，但个沙律菜朋友都觉得系苦嘅，可以话系整个定食嘅一个败笔👎👎。餐饮方面分别叫咗热乌龙茶同冻苹果乌龙茶。餐厅方面虽然布置得富有日本色彩，但系食物上枱摆位方面却没有日本应有嘅细致精确度，有待改善。