影片
更多
2012-05-09
114 浏览
中午来到沙田新城市既地下一楼，周围大把食肆，唯独系呢间有好多人喺门口等位，所以。。。趁墟！舖位都几大，四人枱占大约2／3，仲有几张马蹄型沙发，计埋有大约80个座位。我同朋友两个人，梗系等两人枱喇！佢只会分开二人枱或以上两个选择，估唔到等只系等5个号码都等左四十五分钟有多，相反二人以上既就比我地快好多。。。都比几张枱既人后来居上XD 不过星期六食饭实在度度都要等，45分钟都可以喇。终于有得坐，我同朋友已经非常肚饿，好快就决定点以下几样野。沙律。意粉加埋甜品饮品SHARE食，因为见佢个D都几大碟下，同埋呢度除左门口两个铁板SET就无其他套餐，所以散叫比较食到自已钟意既。上菜速度几快，大约十分钟就有沙律食！凯撒沙律超大碟，一D都唔手软！呢个系正常大既份量，另外仲有个细SIZE既迷你版（跟两个配料或者轻型既无肉版），配料可以拣虾／烟三文鱼／鸡肉／牛油果，正常既大细可以选择三种配料，而我地系走左牛油果XD 我好钟意呢个沙律，一般来讲，凯撒沙律既汁会好浓味同埋食完都比较腻，所以又唔可以落好多。但系呢度既酱唔腻之余，都好够味同埋唔会太浓味，刚刚好，可能佢既芝士落得多，加埋海鲜既配料，落相对少既酱都已
舖位都几大，四人枱占大约2／3，仲有几张马蹄型沙发，计埋有大约80个座位。我同朋友两个人，梗系等两人枱喇！佢只会分开二人枱或以上两个选择，估唔到等只系等5个号码都等左四十五分钟有多，相反二人以上既就比我地快好多。。。都比几张枱既人后来居上XD 不过星期六食饭实在度度都要等，45分钟都可以喇。终于有得坐，我同朋友已经非常肚饿，好快就决定点以下几样野。沙律。意粉加埋甜品饮品SHARE食，因为见佢个D都几大碟下，同埋呢度除左门口两个铁板SET就无其他套餐，所以散叫比较食到自已钟意既。
上菜速度几快，大约十分钟就有沙律食！
凯撒沙律超大碟，一D都唔手软！呢个系正常大既份量，另外仲有个细SIZE既迷你版（跟两个配料或者轻型既无肉版），配料可以拣虾／烟三文鱼／鸡肉／牛油果，正常既大细可以选择三种配料，而我地系走左牛油果XD 我好钟意呢个沙律，一般来讲，凯撒沙律既汁会好浓味同埋食完都比较腻，所以又唔可以落好多。但系呢度既酱唔腻之余，都好够味同埋唔会太浓味，刚刚好，可能佢既芝士落得多，加埋海鲜既配料，落相对少既酱都已经够味。同埋我唔系太钟意凯撒既面包粒，佢呢度会切到好细，所以食左都唔系好觉！正！罗马菜都好新鲜，内里水份充足，面又有光泽，又好味又健康！！跟住饮品先来！
抺茶泡沬咖啡＝抺茶拿铁，卖相吸引！用日式既茶杯装住，上面用打实既甜忌廉加绿茶粉做装饰，好似棉花糖咁吸引（不过无咁甜）！抺茶味超浓！入口既时候面层既地方都好CREAMY！将D忌廉搅散再饮，真系有罪恶感得来既好味道！咖啡味唔会太浓，相反系抺茶味同埋奶味较重，啱晒我自已既口味！
朋友既芝麻泡沬咖啡！偷饮左一啖，芝麻味好浓！同抺茶味一样都系好CREAMY！建议先搅好先饮，味道会均匀D，唔会越饮越浓。
主茶上场，忌廉杂菌意粉。又系一大碟！用既系幼身少少既天使面㖞，意粉本身已经好够咸味，唔会好淋，几好口感，比AL DENTE软身一点。热热地食既时候，D汁未系好上到D意粉，不过因为意粉够味，加上杂菌既味都几浓，所以即使白汁唔出味都己经好够味。冻左少少，白汁更‘结’身，上到D意粉，一齐食又系好CREAMY既口感（本人太喜欢CREAMY了。不过食完太腻就好怕。。。）最紧要系无论热食冻食都唔会觉得食完会有一层‘油腻’既口感留喺个口度，正呀！
甜品亦系呢度必点之物！餐牌上林林总总既都非常吸引！最后拣左抺茶TIRAMISU！
一面系红豆朱古力雪糕饼，另面系抺茶tiramisu。先讲红豆朱古力雪糕饼，饼底好硬，比较油，硬得来唔松脆。红豆朱古力雪糕，朱古力味好浓，其实都几好食，不过呢个雪糕真系食完有‘油腻’既感觉，所以食几啖就放弃！抺茶tiramisu我觉得比较似custard，至少我无乜食到芝士味同埋佢既口感系黏黏地，似bread papa puff既custard咁，不过会再‘结’身，食落都系好浓既吉士味，奶味唔重，所以食完无腻既感觉，中间底部有少许清蛋糕（唔系ladyfinger+espresso = =)，至少呢个同我想像中既抺茶tiramisu有点距离，下次会试新野唔会encore呢个。但系总括都系几好味既～其实我地两个食SALAD＋意粉已经好饱！可见呢度D野几大碟同埋几好味，饿住入来捧住个肚走XD 必要再ENCORE！～
题外话/补充资料：
[IMG:1]对于我地唔系好吸引既SET LUNCH，不过其实几抵食。[IMG:11]食完见到TEA SET！都好吸引呀！
(以上食记乃用户个人意见 , 并不代表OpenRice之观点。)
张贴
