花見月 (已結業)

沙田真系越黎越多人, 是但揾间餐厅食饭闲闲地等个几钟, 谂谂下科学园有好多餐厅都开夜市, 所以响沙田火车站搭程小巴, 10分钟左右就到, 好快.睇水牌都以西餐多, 但唔想食咁多肉类, 好彩仲有间日式, 一于呢间"花见月".晚市唔多人, 不过间断都有客, 反而觉我仲舒服, 环境大又唔嘈, 够晒开扬. 晚市有散叫亦有定食套餐, 定食餐包沙律, 刺身, 味噌汤等.要左两客定食套餐, 北海道定食有海胆, 帆立贝, 甜虾, 三文鱼, 鱼生有光泽, 海胆食落鲜甜滑溜, 鱼子又多, 份量十足.仲有鳗鱼饭定食, 鳗鱼肥美, 肉质嫩滑够厚, 铺面既鳗鱼汁鲜甜惹味, 配饭食一流.配套餐既炸鸡野菜沙律, 炸鸡都几大件, 脆口唔油腻, 沙律菜够大碟, 清新够fresh.套餐既三品刺身, 配料同北海DON差唔多, 帆立贝同样厚肉肥美, 鲜甜, 甜虾弹牙虾味浓, 三文鱼正常无雪藏味.另外要多碟银鳕鱼, 外表煎到金黄色, 好香口, 鱼质够嫩滑, 唔多骨, 鱼脂丰富.呢度环境同食物都好好, 起码无时限又唔迫, 静静地边食边倾轻松下, 食完搭返小巴出沙田, 或者有巴士去大学站, 大埔, 马鞍山, 几方便.