影片
更多
2011-12-01
91 浏览
【订位】 一般有得High tea ge酒店或者食市都有订位服务,不过呢间ritz carlton就不设订台啦,如果真系要系假日时候去,我建议大家早d,系12点钟去到大堂排队,如果唔系walk in真系等到dinner都未high到。呢间就系102楼,103楼ge The chocolate library都系大堂同一条队。【食物】 (第一层-咸点)首先,high tea一定要由咸点食到甜点。好多high tea主打ge咸点都系三文治,不过呢间就玩左d花臣,做到好似寿司咁分别有厚烧玉子番茄三文治,迷迭香咖哩火腿同薄荷烟三文治。呢三款其实味道都系一般,无咩特别。鸡肉咖哩同甜面包底唔太match,不过玉子系甜同甜面包夹得唔错。(第二层-甜点)朱古力贝壳蛋糕, 柠檬吉士挞, 蓝莓芝士蛋糕, 杏仁乌结糖泡芙, 黑樱桃蛋白杏仁饼。朱古力贝壳蛋糕- 入口即溶,好似沙_蛋糕咁,好重朱古力味。柠檬吉士挞- 味道较酸,但系外层ge批底做得好脆。蓝莓芝士蛋糕- 味道无咩特别,同一般街外食到ge差唔多,芝士味唔够重,饼底唔够脆杏仁乌结糖泡芙- 推介 窝夫做得好好,里面ge乌结糖好浓厚。黑樱桃蛋白杏仁饼-M
【订位】
一般有得High tea ge酒店或者食市都有订位服务,
不过呢间ritz carlton就不设订台啦,如果真系要系假日时候去,
我建议大家早d,系12点钟去到大堂排队,如果唔系walk in真系等到dinner都未high到。
呢间就系102楼,103楼ge The chocolate library都系大堂同一条队。
【食物】
(第一层-咸点)首先,high tea一定要由咸点食到甜点。
好多high tea主打ge咸点都系三文治,不过呢间就玩左d花臣,做到好似寿司咁
分别有厚烧玉子番茄三文治,迷迭香咖哩火腿同薄荷烟三文治。呢三款其实味道都系一般,无咩特别。
鸡肉咖哩同甜面包底唔太match,不过玉子系甜同甜面包夹得唔错。
(第二层-甜点)
朱古力贝壳蛋糕, 柠檬吉士挞, 蓝莓芝士蛋糕, 杏仁乌结糖泡芙, 黑樱桃蛋白杏仁饼。朱古力贝壳蛋糕- 入口即溶,好似沙_蛋糕咁,好重朱古力味。
柠檬吉士挞- 味道较酸,但系外层ge批底做得好脆。
蓝莓芝士蛋糕- 味道无咩特别,同一般街外食到ge差唔多,芝士味唔够重,饼底唔够脆
杏仁乌结糖泡芙- 推介 窝夫做得好好,里面ge乌结糖好浓厚。
黑樱桃蛋白杏仁饼-Macaron做得出色,好脆,而且唔太甜,食完回甘都唔会好漏。
(第三层-甜点2)
法式软木塞蛋糕,草莓杯,英式松饼及提子松饼法式软木塞蛋糕-口感好特别,外硬内软,同食到淡淡ge焦糖味道,算系咁多款甜点中算特别一款
草莓杯- 比较上面ge甜点,逊色左少少,一黎无咩特别,上面ge插住一块草莓同jelly,里面则有杂莓同乳酪。
甜点黎讲实在太酸,如果当佢系开胃小点,算系OK...
我谂厨师可能佢怕你上面ge野食到太heavy,所以整一杯乳酪俾你清一清你个味蕾。
英式松饼及提子松饼- 其实英式下午茶,我最重视系松饼呢一环,因为佢最具代表性。
不过呢d度ge松饼,都系一般般,唔够松软同热度,而且牛油味唔太重,草莓酱同奶油都系一般般,无咩特别啰。
【饮品】
呢度饮选择好多,服务员推介左-苹果茶
疆茶
廿菊
虽然呢度dark chocolate系出名,不过唔建议配下午茶。
因为甜点已经好甜再配chocolate或咖啡就会十分漏。
【景观】
由大堂睇好似平平无奇,当你搭出电梯时候,望出去蔚蓝ge天空,自己好似身处于高空三万尺一样。然后,服务员身穿好似空中小姐咁ge制服,另你好似系头等机仓一样。而且落地大玻璃可以俯瞰整个维港。
重有流线型ge吊灯亦都系一大亮点,令到整间餐厅瑰丽堂皇。整间餐厅都系走豪华中结合新潮路线。
你可以由中午坐到夜晚都唔会有人赶你走,你可以睇到日落同晚霞。享受一个休闲又舒适ge下午。
【服务】呢度服务唔错,一入黎坐底就会帮你围上餐巾,然后细心讲解食物,同推荐边重饮品好饮。
佢地会好细心咁不时为你加茶。
而且呢度会有人演奏乐器,整个grand ge感觉更提升。入到洗手间,佢地会有人服侍你,帮你整间液同毛巾。
【整体心得】景观系胜过食物,食物只系配角。其实食物都系其次,因为其实间间下午茶食ge都系差唔多。
最紧要自己同三五知己坐得舒服，用心享受呢度音乐同环境。
讲下工作ge辛劳,家中ge问题,恋爱ge问题,某某ge八挂,做一日ge小贵妇。
时间就咁慢慢流逝,享受呢种写意又慢活ge时光。最后睇住灿烂ge夕阳,咁样就过左一日,咩烦恼都一扫而空。
希望我ge小小意见同心得对大家都有帮助,
亦都希望大家能够享受快乐ge时光啦=D
题外话/补充资料：
【[b]温馨提示[/b]】
-12点到去拎位,就一定会系3:15分入到去嫁啦。
-如果你坐紧唔系[b]窗口位[/b][u]就一定要同服务员讲[/u],之后佢就会安排你系waiting list上面。
-如果天气唔好,就唔好去啦,因为你黎为都系为左个景。
-3个人去可以叫2人set,因为分量都OK多,所以一定够食。
(以上食记乃用户个人意见 , 并不代表OpenRice之观点。)
张贴
