ZENI RONE

营业中

休息中

偶遇呢间小店，系系一间L Buy卖各式精品的店舖内，被打卡既茶盒墙吸引，就试下叹个茶食个甜品。白汁磨菇烟肉薄饼，个批好精致，批边好脆，整体似薄脆咁，咸香咸香既感觉。因为见到门口推荐泡芙，仲系世界级评鉴金奖，当然要试试!!首推芒果焦脆泡芙，外皮好脆食到层次感，但馅既cream质感就好似系芒果雪糕，超级清香，一啖满口果味，同友人都非常喜欢呢款咁fresh 既味道，好岩夏天食! 朱古力士多啤梨焦脆泡芙，外表黑漆漆，内里系creamy 既士多啤梨cream，呢款系较浓郁，朱古力同士多啤梨既味都食到，而士多啤梨cream会中和浓浓既朱古力，喜欢dark choco 既一定要试下。牛角包幼幼长长，入面原来系包住结实既cream，但奶油系唔会腻，愈食愈上瘾。餐厅做紧promo，like & share 就可以选举饮Mlesna茶或者全单减$5。呢杯茶超惊喜，好顺口又好有果香，仲有一鼓冰感，店员向我地介绍呢个茶系有ice wine 既口感，的确真系，甜甜的，又有凉凉的。打卡墙有各式口感既Mlesna茶盒，送礼一流，又有品味。