神戶屋日韓放題

营业中

休息中

星期日约朋友去神户屋食放题，谂住少少去可以做第一个客人，岂料已经两三枱客人坐定定食野，真系好旺场。餐厅环境都唔错，店员有礼貌，上菜速度都几快。食物款式多样化，惊喜位有首轮刺身点餐纸优先，经网上book位仲可以order生蚝/海胆一份，计番真系好抵食。呢度刺身多款又新鲜，件件厚身，又够鲜味，尤其三文鱼同北寄贝，三文鱼食正鱼腩位，鱼油脂香，北寄贝又够爽口，象蛂蚌亦都好爽口弹牙。 订座而叫左海胆，出奇地新鲜又唔腥。另外仲叫左芥辣八爪鱼军舰&拖罗蓉军舰，芥辣好攻鼻，好鬼正斗。食完冻食，就食番点热食暖暖肚，叫左份焗杂菇仲有韩式炒粉丝，带有少少辣味都唔错。再食埋个和牛寿喜烧，虽然系一人锅，但内有好多肥牛及野菜，热辣辣够暖胃。