Little Creatures (已結業)

难得去开西环海旁，就想揾个地方叹吓啤酒chill下，西环本身都开咗好多间酒吧，不过饮手工啤酒嘅就唔算好多，而little creatures喺澳洲开过嚟，都几出名㗎。坐低拣手工啤酒都研究咗一阵子，因为佢嘅选择非常多，而且味道嘅范围都非常广阔。我本身就比较钟意果香味重嘅手工啤，所以最后就叫咗Juciebox。佢系用咗橙皮，芒果同木瓜去酿制，初初以为会系偏酸，但系原来佢系偏重苦味嘅啤酒，饮嘅时候会闻到微微嘅果香，有惊喜，唔错见有少少饿，不过佢食物选择唔多，最后嗌左烟三文鱼bagel。但呢个就令人有少少失望，因为个bagel系冻嘅，好硬，冇咗bagel应该有嘅软熟同烟韧。炒蛋亦都冇话有任何嘅调味，烟三文鱼就普通超市货，唯一可取嘅就系个cream cheese我睇返佢嘅lunch同dinner Menu分别都几大，dinner menu啲嘢食吸引好多，所以如果想一路叹啤酒，一路食餐好嘅，就可能要夜晚嚟。