咲の木 (已結業)

之前路过见到呢间日本小店，就谂住揾日黎试下。见lunch set唔算特别贵(around $110-$160再加一咁上下），lunch hour都唔多客，都系几位咁，就算店细都唔驶点等位。佢系开放式个啲，天气凉凉地坐系到食都几舒适，不过坐低左发现佢对住马路，啲车不停驶上黎都几嘈下。讲返lunch set先，今次叫左个三文鱼带子饭$148，包沙律同味噌汤既。沙律正正常常啦，都系胡麻沙律呢啲，而个味噌汤呢个人就觉得太油同有啲偏咸既。咁个三文鱼带子饭就料唔算多，4件三文鱼2件带子咁，三文鱼都算厚切既，而带子都几肥美，不过唯独有件三文鱼都几重筋。Overall都ok既，冇特别差既地方，不过埋单连埋加一$163，lunch呢个价钱又好似会有更好选择咁。