黑木亭居酒屋 (金馬倫道)

今晚上呢间日式食店位于尖沙咀，比较近尖东多少少，如果从尖沙站要行十分钟左右，食店不在地舖，要行上楼上，沿楼梯的墙身都有日式布置，好似日本街头、日本红叶等等。现场话大唔大，我们被安排比较入的位置，但唔系好够冷气仲有点焗，不过都冇乜位置可拣所以冇办法。食物价钱是中高水位，一般串烧、寿司、刺身、㶽物等等都有。我们两个人叫啲普通简单啲都成几百元落楼。粟米串烧：几香几爽口，唔错。深海活池鱼刺身：刺身太薄有时食唔到鱼本身的特质，只有点酱油先有呢份层次。2杯饮品都啱打卡，颜色卖相都ok。豚肉年糕肉串：入面Q弹，有口感。和牛岩盐烧，油脂比例恰到好处，食落柔滑带啃劲，本身和牛已处理过有一定程度熟，再在烧热的岩石上烧多几下，又再香口。