影片
更多
2011-08-10
14 浏览
今日适逢嚟开尖沙咀, 大少小有地热心地问朋友尖沙咀有咩好介绍, 朋友介绍我地食"魔面", 虽然对拉面无咩兴趣, 但睇在大少份上, 姑且试试. 厚福街一定知起边, 但原来有幢H8系专做食肆就真系唔知, 上楼一出lift, 大大个"魔"字起门口坐阵, 好有气势! 喱度拉面款式唔多, 主要唔同既在于汤底, 分五种: 豚魔、味魔、酱魔、辣魔、盐魔, 睇个名都估到系咩味, 猪骨, 味噌, 酱油, 辣味, 盐味, 我挣扎起究竟拣猪骨定辣味, 既然主要食佢既汤底, 辣通常会盖过原有味道, 就来个原汁原味, 豚魔啦! 落order时先知, 原来面身可以拣爽d, 普通定淋d, 待应仲解释而家举行紧个游戏, 只要汤碗底印有个"米"字, 就会中奖, 奖品就系你食既果碗面! 佢建议我地可以饮埋啲汤, 碰碰运气. 哗, 听落好吸引, 但当然知道万中无一啦! 有啲似黑白淡奶玩法!除咗拉面, 佢仲有好多款小食, 我地追加咗个甘栗紫薯饼, 睇相同名都觉得好吸引.豚魔汤碗好别致, 印有招牌"魔"一字. 每碗拉面都会有豚角煮,叉烧, 半只蛋, 粟米, 木耳丝, 葱, 一块大紫菜同一堆唔知系乜既红色幼丝. 汤底色泽够深
厚福街一定知起边, 但原来有幢H8系专做食肆就真系唔知, 上楼一出lift, 大大个"魔"字起门口坐阵, 好有气势!
喱度拉面款式唔多, 主要唔同既在于汤底, 分五种: 豚魔、味魔、酱魔、辣魔、盐魔, 睇个名都估到系咩味, 猪骨, 味噌, 酱油, 辣味, 盐味, 我挣扎起究竟拣猪骨定辣味, 既然主要食佢既汤底, 辣通常会盖过原有味道, 就来个原汁原味, 豚魔啦! 落order时先知, 原来面身可以拣爽d, 普通定淋d, 待应仲解释而家举行紧个游戏, 只要汤碗底印有个"米"字, 就会中奖, 奖品就系你食既果碗面! 佢建议我地可以饮埋啲汤, 碰碰运气. 哗, 听落好吸引, 但当然知道万中无一啦! 有啲似黑白淡奶玩法!
除咗拉面, 佢仲有好多款小食, 我地追加咗个甘栗紫薯饼, 睇相同名都觉得好吸引.
豚魔
汤碗好别致, 印有招牌"魔"一字.
每碗拉面都会有豚角煮,叉烧, 半只蛋, 粟米, 木耳丝, 葱, 一块大紫菜同一堆唔知系乜既红色幼丝. 汤底色泽够深, 好杰身, 先试一口汤底, 好浓厚既味道, 但又唔会好咸. 面身真系普通的爽淋程度, 下次可以尝试爽身. 其实我就唔系好分得到豚角同叉烧, 好似一模一样样咁, 都系一片片, 形状又差唔多, 又系有啲肥膏痴住啲肉, 肉同肥膏都好分明, 肥膏系入口即溶, 夹起都好容易会烂果只, 好好味, 我平时会避开肥膏唔食既, 今次都忍唔住要成块食! 溏心蛋又系做得好出色, 钟意食蛋黄的人应该好钟意吧! 我就只系食咗个蛋白. 除咗碗面之外, 仲有一碟小配菜, 四季豆, 加上少许黑椒, 微微辣, 几好食.
大少突击我碗汤底, 佢话我果个好味d, 佢叫既系味魔, 喱个系我一定唔会拣的! 我乘胜追击试咗佢汤底一口, 饮完成个口都好痴淋淋, 而且个味道都麻麻地.
唔觉唔觉食面途中都饮咗好多汤, 又系考验自己运气既时候, 差唔多见底时打一打侧个汤碗, 都可以睇到个碗底有无个"米"字, 嗯! 可以肯定我地系无米之人.
甘栗紫薯饼
将紫色蕃薯把成蓉, 配上甘栗, 沾上炸粉, 炸成黄金色, 一小块切开四件, 细细块, 但料就十足, 咬落非常松软, 甜甜的, 好有味道, 回味无穷! 朋友果然好介绍, 下次到我作介绍!
张贴
