影片
更多
2022-08-13
601 浏览
呢间稻香出哂名黑，早上饮茶想快攞到位一系熟人，一系俾著数。星期六早上08:13去到，3人等入坐，全场「满座」（一张4人枱坐1-2人果种）。于是企旁等位，企到08:30之间，期间不断见到有人入去攞到位坐，我提醒服务员我是在等紧位，态度懒理，望都唔望下我。期间听到有一个刚刚到达嘅茶客，听到佢话「三大一小」，服务员就带咗佢去坐。心知知道发生乜嘢事，再等啦。去到08:40，我同服务员讲「其实网上都已经讲呢间稻香嘅事情，其实呢类事情我都预咗，但都唔好做到咁扬，比两三个熟客攞咗位之后，都照顾下我呢个生客呀～」。𠮶个服务员问我坐唔坐卡位，跟住我问屋企人，佢话如果可以唔搭位就OK。」。家人话OK，于是终于可以坐低。讲食物，如果认识嘅，都会知道稻香点心都系于大陆制造之后以冷藏形式运到香港，翻热上枱。因此建议食一啲要即整的点心，例如肠粉（试问肠粉如何以解冻翻热形式上枱呢？）。味道中规中矩。有去过稻香都知道，落单是用手机，加水是全自动的，用旁边那部全自动机器。呢样嘢是值得加分的。因此亦没有什么服务可言。我觉得是OK的。最少加水不求人，自行搞掂便可。其实认识酒楼业，都知道攞位都系咁上下，熟人就当然比较容易，另
讲食物，如果认识嘅，都会知道稻香点心都系于大陆制造之后以冷藏形式运到香港，翻热上枱。因此建议食一啲要即整的点心，例如肠粉（试问肠粉如何以解冻翻热形式上枱呢？）。味道中规中矩。
有去过稻香都知道，落单是用手机，加水是全自动的，用旁边那部全自动机器。呢样嘢是值得加分的。因此亦没有什么服务可言。我觉得是OK的。最少加水不求人，自行搞掂便可。
其实认识酒楼业，都知道攞位都系咁上下，熟人就当然比较容易，另外就系「过水」俾啲服务员（我无话于呢度做嘅服务员有咁做，我无证据），呢个系行业之中的事实。呢间稻香早上饮茶不需要揿票，估其中一个目的系可以比熟客快啲攞到位（因为唔系以数字排队呀嘛，因次咪可以「插队」啰）。其实饮开茶都好明白呢一点，之不过今次做得实在太过扬，当你见着啲熟客一个一个咁样入，而自己在旁边一直在等等等，你都会有相同感觉。我之前讲过，你比几个熟客入去之后，都照顾一下我呀！今次做得实在太过分，因此写此食评，等大家首先有一个心理准备。
我相信稻香管理层本身亦知道有呢样嘢，当然只眼开只眼闭，明嘅～
张贴
