老闆火鍋冰室

营业中

休息中

之前嚟呢到食个午餐同下午茶，食物质素唔错。今次试埋佢个晚餐火锅，果然无令我失望。一嚟到已经好肚饿所以就要咗个盐香脆炸鱿鱼须（＄46）先，不得不赞佢呢个价钱真系非常实惠而且啲鱿鱼系新鲜即叫即炸，薄薄炸粉非常香脆滋味，价钱仲要系小食档价钱但份量仲要多啲经店员介绍，点咗𠮶个汤底系有好多配料嘅沙爆鱼肚猪骨汤底，佢话呢个汤底好清甜，唔会咁浓味，配牛肉同海鲜都好啱所以我哋就决定要呢个。牛魔王嘅我地要咗个牛颈脊，海鲜就拣咗个珊瑚蚌牛颈脊可以拣细份大份 但细份2个人食都非常多 油脂分布均匀够吸引 简单渌一渌已经食得 牛味非常浓郁 肉质非常嫩滑 珊瑚蚌份量超多， 又系轻轻渌下 爽口弹牙 带少少甜味仲叫左两杯清爽饮品，水果茶同百香果茶，够晒清新冰凉，打边炉除左汽水啤酒，仲有呢个好选择。