悠 (已結業)

呢个系屯马线元朗站附近由一班后生仔打理既小店，同yoho mall一桥之隔，面向大马路，如果唔系专登过黎其实好少会发现。以元朗假日来讲人流唔多，中午时分只有5-6人排队。小店内笼以原木色同植物做主调，好似台湾东区既休闲cafe。店内有香港特色既精品，同埋好多旅游书同漫画，比客人用餐时睇。餐牌主要食物系all-day breakfast, pasta, 甜品同咖啡类饮品。冲绳黑糖鲜奶咖啡比一般咖啡甜，有朱古力既甜度，有厚厚的泡沫，通常啱女仔饮。丰盛朝日黑松露炒蛋好滑，松露味十足。香草包又热又脆。牛肉薯饼外面超脆，入面软糯唔痴牙。和牛朝日南瓜薯饼最好食，南瓜蓉好甜。和牛汉堡偏向干身。