永順食店 (已結業)

路过几次都唔少人排队，所以搬入元朗咁多年都冇食过。难得今日星期日都可以十二点前行到门口兼冇人排队终于可以试一试了，好好彩等左几分钟就有得坐低！个餐牌价钱真系好吸引人，好多人都会黎食蟹王面，但其实佢面底本身都会用出前一丁面，其实都好唔错。平平地一个猪扒米线都系$21，其实都几抵，但冇跟餐配饮品既选择，例如冻柠茶要加多$16，拉上补下啦最后拣左火腿西多同猪扒沙牛面西多最正、热辣辣，牛油糖浆比得一啲都唔小气，睇相就知有几肥沙牛面好多沙嗲，味道其实我又觉得同平时茶记差不多，可惜猪扒冻左啲，唔系真系抵食下次可以再黎食下西多！