影片
更多
2021-09-08
206 浏览
呢间终于鼓起勇气去试吓，第一次自己去。安排坐房入面，难叫服务员。Ok，我唔识野、个下记唔起，揾著上菜员落单，佢即话：我唔系做呢啲。我即唔应佢就行出去。（咁劣，我讲唔落：唔该/好呀/哦…..）第一次自己叫嘅，系午市，即要一位即有位。明知食唔落但叫四样，想试下呢间好耐，起码试左断左个念想😂。难食就唔打包竟然几好食，之后都陆续食咗六七次（呢篇食评以前；如果遇着一次服务太差可能以后唔再去）脆口干身已经算唔油，但个人仲会印油。同埋之后同另一半食叫叫左一次，佢唔系太食得炸野。系我口味上我钟意韭菜多啲，佢劲多肉。算多材料，打开睇有咩野，未食。同埋第一次食呢度嘅虾饺，呢一次系最有鲜味既，但蒸到过晒火开晒口，仲要劲厚皮。一上枱我劲唔开心，开晒口🥲但一食落去竟然有汁同埋鲜味，呆左。之后既系正路，八成无穿皮，但正常咁。都薄返皮，无咁鲜；但屯门食过真系算高分既虾饺。名点屋38蚊既仲难食；稻香、海港、悦明苑、东哥、唔记得仲食过边间都唔及佢既味道。（功夫既难食到嬲到癫）我真系好钟意食虾饺，想食第日就决定饮茶（突然要我讲我食过最好嘅虾饺系香宫同埋富临饭店；三星个间。另外其实利苑都好稳定，最衰v city既南小馆无左
Ok，我唔识野、个下记唔起，揾著上菜员落单，佢即话：我唔系做呢啲。
我即唔应佢就行出去。（咁劣，我讲唔落：唔该/好呀/哦…..）
第一次自己叫嘅，系午市，即要一位即有位。明知食唔落但叫四样，想试下呢间好耐，起码试左断左个念想😂。难食就唔打包
竟然几好食，之后都陆续食咗六七次（呢篇食评以前；如果遇着一次服务太差可能以后唔再去）
脆口干身已经算唔油，但个人仲会印油。同埋之后同另一半食叫叫左一次，佢唔系太食得炸野。
系我口味上我钟意韭菜多啲，佢劲多肉。
算多材料，打开睇有咩野，未食。
同埋第一次食呢度嘅虾饺，呢一次系最有鲜味既，但蒸到过晒火开晒口，仲要劲厚皮。
一上枱我劲唔开心，开晒口🥲
但一食落去竟然有汁同埋鲜味，呆左。之后既系正路，八成无穿皮，但正常咁。都薄返皮，无咁鲜；但屯门食过真系算高分既虾饺。
名点屋38蚊既仲难食；稻香、海港、悦明苑、东哥、唔记得仲食过边间都唔及佢既味道。（功夫既难食到嬲到癫）
我真系好钟意食虾饺，想食第日就决定饮茶
（突然要我讲我食过最好嘅虾饺系香宫同埋富临饭店；三星个间。另外其实利苑都好稳定，最衰v city既南小馆无左，搅到一定要出屯门先可食到质素稳定嘅虾饺）
呢一餐同另一半黎，虾饺每人一只唔够食、炒面好香好好味（佢系炒到唔少位有微焦，散叫系出面都未必食到嘅高质素，但佢个名叫南瓜七彩炒面？唔见佢有南瓜元素，只系只色似，定佢系南瓜造既面😂？）、
凤爪排骨饭系我超级钟意嘅点心项目，名点屋新装修后取消咗盅头饭好唔开心，佢算稳定同好食，之后食煲仔饭贵啲都系同样质素。但唔知早市11点前仲有无，睇食评未睇到，暂时唔想再去，服务差，同埋咁嘅食物质素、咁嘅价钱宁愿出去食啲米芝莲😑。虽然冇得食呢样盅头饭😭。
但呢间蒸饭好难食，好似叫咗三四次都好难食。质素稳定地难食：饭湿、浆、粘。排骨唔好食又少、又多肥膏、凤爪又咸又难食。
虽然凤爪排骨饭系我必叫既点心，但系度以后都唔敢叫
呢一餐午市既，鸡翼第一时间上，算好食。𠮶个炒肠粉系常温微暖，好嬲。应该系放埋一边一直都未派呢一类食物，呢度嘅服务差，都冇谂住投诉或者换🥲⋯⋯
点心系正路既好似系15分钟之后上，有啲唔够食（两个人），但系费事再等另一节。
呢次两个人叫太多😂😂😂
炒面好似叫咗两个，因为系叫孖宝。好似两个炒面配牛肉球再加炸両？唔系好记得。
但系盅头饭一样好难食
因为记得炒面好好食所以先夹硬叫两个，但系今次嘅算系普通嘅好食。我第一次叫真系惊艳，之后再食都无一样嘅质素
咸水角几好食，材料嘅肉粒算大粒。
烧卖都系我钟意比较干身冇咁多肥猪肉粒嘅。
呢张照系食最近既一次
叉烧包好味、失望嘅系转左孖宝餐牌冇咗炒面😂😂😂
凤爪好咸好难食。萝卜糕煎得几香几厚算有料几好味（大家乐早餐必转萝卜糕，但成日太晏去到已经卖晒😭，但平时唔会整或买，只想食一片个种，饮茶都少叫，难得想叫下。其实去食大家乐早餐都少，可能两三个月先一次，仲要成日迟去食唔到萝卜糕😂，遗憾。）
牛肉肠虾饺都正正常常，呢间嘅出品真系好过我喺屯门食过嘅酒楼，虽然间唔中都有伏。
但整体食落同埋同区既比较，依家算高分。
（净系食过一次晚市黄金海岸嘅中菜厅，算普通，同埋交通方面，左转右转先去到：我不如出尖沙咀或者港岛😂）
服务方面算系差，佢人手太少，门口屏风后面嘅大片位置，只有一两个阿姐。叫人落单同埋加茶都算难，中短头发嘅算上心，最近一次扎住个髻嘅阿姐叫完茶完全无左件事（系中短头发嘅阿姐见到我哋枱面冇茶，再问我哋叫咩茶），叫佢落单都好一般。
佢埋单收银𠮶个位写明由服务员埋单，大部份都系后生仔过嚟，有一次系经理（讲明要返收据，是但应，仲要再等张单；搞到之后都唔想要张单🥲费事等同我唔俾tips)
俾黑色夹既单簿同埋唔俾客去收银度自己埋单，应该想R tips，但服务咁劣……..
其实边个比得落😬
连稻香我好少去都feel到佢地既wording 定系礼仪有整体再教过，比起几年前？4、5、6、7、8？😂😂😂
超市黎讲屯门既百佳惠康都有改善，一田既呀姐仲好差咁既感觉……
早市两位要等半个钟至四十五分钟，有一次差唔多成粒钟；但问题系我都同自己讲：唔想等，搭车出去新同乐呀嘛🤪
如果点心黎讲；同埋通常得自己得闲，一个人净系食得最多八粒点心，值唔值得搭两粒钟来回出去，仲要受塞车嘅风险😵
见佢早市都会转餐牌，但我估我暂时最新🥲（系度）。我真系睇好耐，仲要左计右计价钱先帮衬嘅人😂
最想呢度成日有最新嘅餐牌睇
张贴
