海港酒家 (已結業)

将军澳饮早茶而又好食既茶楼唔算多，海港算系几大，食物质素又ok既一间！今日见放假就同屋企人黎饮茶。皮蛋瘦肉粥系一如以往既好味。啲皮蛋好溶好香，肉丝唔会话乸埋一旧。加咗胡椒粉吊吊味仲正！$7.8嘅凤爪排骨饭算系咁！啲凤爪嘅酱同埋排骨嘅肉汁落左个饭度之后，个饭就变得好吸味。 今朝因为想食猪脚姜特别叫左煲。唔好睇佢个碗细细，入面都有成四旧猪脚，煲得好林好入味！其实佢最好食系个红枣糕！我每次黎饮茶都会叫。唔会太甜，作为甜品非常健康有益！不过就系因为太好味唔记得左影相。