悅來老朱小食

营业中

休息中

晨咁早去买早餐，8点几去到，都无晒炒银针粉，星洲炒米都剩返少少，我买完后无埋牛肉。姐姐话星期六唔开，真系好难食到佢。烧卖同牛肉都大大粒，同埋系手造嘅，烧卖用鱼肉同猪肉制成，似淋左嘅鲮鱼肉又有点猪油，同平时食到嘅烧卖好唔同。牛肉球配喼汁，咬开好JUICY，唔会太多肥膏，加返少少香茜就完美啦。炒米粉同星洲米粉双并+$5，米粉有少少萝卜丝、火腿、菜一齐炒，星洲果边有鸡蛋，感觉少少油，但有啲油先可以条条分明，份量非常多，满满一盒够食埋LUNCH。