影片
更多
2017-07-07
177 浏览
之前听朋友讲话呢间餐厅六点之后门口就开始有人龙，今日等我来验证一下系唔系咁坚先。天时暑热一坐低梗系嗌杯冻饮先啦，见佢餐牌上面写住餐厅所用绿茶嘅茶叶系高雄嘅长信名茶，系精选嘅无发酵茶叶，即刻拣咗个有绿茶嘅饮品，餐厅将佢命名为多多绿， 系用我至爱嘅益力多加上绿茶调配而成，入口先系益力多嘅经典乳酸味道，跟住茶叶蛋嘅清香茉莉花香味就会缓缓咁样系口腔里面渗出，用咗靓茶叶，味道果然系唔同啲。凉爽完就可以开始食个锅喇，由于我钟意食辣，所以拣咗台式麻辣锅，里面嘅材料十分之丰富，多到几乎连个煲都装唔唔咁济，里面有娃娃菜，牛肉片，麻辣饺，福州鱼蛋，猪红，沙白，米血糕，大肠，鱿鱼圈，豆腐，金针菇，炸支竹，泡面，鸣门卷同埋青豆角，要一次过噏哂出嚟真系连气都喘埋。个锅嚟到之后滚多一阵就可以先试一啖麻辣汤，𠮶阵刺激嘅味道完同我喺台湾食过嘅一模一样，个麻辣汤味道够哂开胃；跟手再试一啖牛肉，充满著香浓嘅麻辣牛味；个麻辣饺好搞笑架，有啲似长条型嘅鱼皮饺；沙白粒粒都胀卜卜，入面完全无沙架；而炸支竹同埋泡面就索尽麻辣汤底嘅精华，我要再嗌多一个泡面先至满足；由于我钟意食淋啲嘅菜，去到差唔多食到一半先至夹𠮶啲娃娃菜，青豆角同埋
之前听朋友讲话呢间餐厅六点之后门口就开始有人龙，今日等我来验证一下系唔系咁坚先。
天时暑热一坐低梗系嗌杯冻饮先啦，见佢餐牌上面写住餐厅所用绿茶嘅茶叶系高雄嘅长信名茶，系精选嘅无发酵茶叶，即刻拣咗个有绿茶嘅饮品，餐厅将佢命名为多多绿， 系用我至爱嘅益力多加上绿茶调配而成，入口先系益力多嘅经典乳酸味道，跟住茶叶蛋嘅清香茉莉花香味就会缓缓咁样系口腔里面渗出，用咗靓茶叶，味道果然系唔同啲。
凉爽完就可以开始食个锅喇，由于我钟意食辣，所以拣咗台式麻辣锅，里面嘅材料十分之丰富，多到几乎连个煲都装唔唔咁济，里面有娃娃菜，牛肉片，麻辣饺，福州鱼蛋，猪红，沙白，米血糕，大肠，鱿鱼圈，豆腐，金针菇，炸支竹，泡面，鸣门卷同埋青豆角，要一次过噏哂出嚟真系连气都喘埋。
个锅嚟到之后滚多一阵就可以先试一啖麻辣汤，𠮶阵刺激嘅味道完同我喺台湾食过嘅一模一样，个麻辣汤味道够哂开胃；跟手再试一啖牛肉，充满著香浓嘅麻辣牛味；个麻辣饺好搞笑架，有啲似长条型嘅鱼皮饺；沙白粒粒都胀卜卜，入面完全无沙架；而炸支竹同埋泡面就索尽麻辣汤底嘅精华，我要再嗌多一个泡面先至满足；由于我钟意食淋啲嘅菜，去到差唔多食到一半先至夹𠮶啲娃娃菜，青豆角同埋金菇就最腍最入味啦。
食完嘅时候只不过系六点半，但系门口已经出现长长嘅人龙，想食好西嘅朋友就要早啲到喇。
张贴
