華嫂冰室 (皇廷廣場)

营业中

休息中

老公揸车返工既一早，经过观塘，早上既时间无需要等位，泊左架车系附近就入去食个快早餐。今朝突然好想食猪扒，见到餐牌上边有猪扒 米线、米粉同通粉，就拣左米粉。汤底有standard，亦都有特别味，难得出黎食早餐，梗系拣个特别架啦！冬阴公汤底，老公就拣左鸡翼番茄汤底。饮品原来无包，全部另计。建议下次唔系特别口渴都唔驶叫，饮水悭返啲。好快就上菜，劲大块猪扒，又厚肉又淋，正呀！鸡翼入味，但未至于「骨肉分离」。冬阴公同番茄汤底都相当浓，系浓汤，好味！下次要试下佢既招牌三明治先得。