松屋

营业中

休息中

早出嚟尖沙咀做嘢，知道从开咗。就特登早啲出嚟食个早餐。因为早都冇乜人排队，但系侍应安排入座就差少少，明明有位又无人又唔俾选位。再同佢讲冇人，佢先俾我唔使坐「面壁思过」位。上次去日本嘅时候都冇试过味噌猪肉汤。套餐小食就叫左牛肉。另外就加咗一份山药泥。个味噌汤饮落去记录，但系唔会太咸，如果加泡菜嚟食应该几好味个牛肉份量就预咗佢少㗎啦，因为系跟餐小食，但系就觉得佢咸咗少少。咁就先整咗一个山药牛肉饭，紫菜加埋啲山药泥，滑得嚟又唔会太寡口。跟住留咗大半饭，整埋猪肉汤饭。用个汤嚟捞饭真系一流，初头仲惊佢啲汤会太多，点知倒咗落去刚刚好。薯仔煮得好腍，莲藕都有少少脆口，豆腐亦都好滑。另外服务𠮶方面都有个小插曲，始终都系新，可能唔熟。攞餐嘅时候佢同我讲份餐齐啦，但系其实里面少咗份紫菜同埋个薯蓉。可能𠮶啲系已定嘅配料，所以电脑单上边冇写，店员就唔为意冇执齐，之后执得多应该冇呢个问题。除咗个牛肉有少少失望，其他都唔错。早食来讲，性价比都系高。