影片
更多
2024-06-28
940 浏览
大表哥退咗休，生活比较清闲，所以，星期六就拉埋佢一齐去行吓山，由美孚起步，经马骝山一直行到去大围。起步前，就索性约埋一齐嚟「炖奶佬」食个早餐，贪佢就喺地铁站口侧边，方便到佢唔使周围揾。餐厅环境格局唔多讲，都喺典型茶记，绝大多数都喺卡位，不过啲位就有少少窄，我哋几个都喺瘦底，所以，坐落就唔觉逼，如果大只少少嘅可能会感觉唔太舒服。但有别大多数茶记，啲调味料、餐具就唔喺放枱侧柜桶，而就咁晌晒枱面一旁，但有盖冚，感觉回都衞生啲。底面两页餐牌，罗列晒所有早餐款式，跟同区嘅茶餐厅比，定价会平$1、$2，但份量会交足，所以，你见都几多人嚟食早餐。采用二维码落单，落单可以自己搞掂。B3 沙爹牛肉汤公仔面餐 $41表哥就拣咗B3，呢个系列主要喺跟北海道3.6牛乳炒滑蛋，但你可以改为煎双蛋，比起同样食沙爹牛面嘅B26餐，呢个贵$1，但多只蛋喔。沙嗲牛面一阵先讲，但要赞嘅喺两只太阳蛋就煎得几靓仔，碗面又加几炷菜俾你，真有心。B27 自选汤粉面餐 $39汤粉面餐会跟个甜餐包，仲要好怀旧款式嘅甜餐包。婆就想自主啲，乜𩠌料都自己拣，所以，就食呢款餐，拣仿鲍丝搭煎全熟蛋，配通粉，大大碗，份量俾足，当然唔会有咩惊喜，
餐厅环境格局唔多讲，都喺典型茶记，绝大多数都喺卡位，不过啲位就有少少窄，我哋几个都喺瘦底，所以，坐落就唔觉逼，如果大只少少嘅可能会感觉唔太舒服。
但有别大多数茶记，啲调味料、餐具就唔喺放枱侧柜桶，而就咁晌晒枱面一旁，但有盖冚，感觉回都衞生啲。
底面两页餐牌，罗列晒所有早餐款式，跟同区嘅茶餐厅比，定价会平$1、$2，但份量会交足，所以，你见都几多人嚟食早餐。采用二维码落单，落单可以自己搞掂。
B3 沙爹牛肉汤公仔面餐 $41表哥就拣咗B3，呢个系列主要喺跟北海道3.6牛乳炒滑蛋，但你可以改为煎双蛋，比起同样食沙爹牛面嘅B26餐，呢个贵$1，但多只蛋喔。沙嗲牛面一阵先讲，但要赞嘅喺两只太阳蛋就煎得几靓仔，碗面又加几炷菜俾你，真有心。
B27 自选汤粉面餐 $39汤粉面餐会跟个甜餐包，仲要好怀旧款式嘅甜餐包。婆就想自主啲，乜𩠌料都自己拣，所以，就食呢款餐，拣仿鲍丝搭煎全熟蛋，配通粉，大大碗，份量俾足，当然唔会有咩惊喜，但佢话整体味道唔错。
B26 沙爹牛肉汤通粉餐 $40小弟今次茶记早餐又回归到沙嗲牛肉，再搭午餐肉，同样配通粉。虽然睇落啲沙嗲汁唔喺好深色，但嗒落都算香浓，而牛肉几软腍，通粉无煮过腍，完全收货。
热奶茶表哥同我都拣咗饮热奶茶，亦喺小弟去茶记嘅必然心水。佢哋啲奶茶唔差架，睇色泽够深沉，饮落醇香，茶奶比例合我心水。
今次再嚟「炖奶佬」食早餐，整体感觉唔错，至少无乜边样嘢出问题，无伏位。食饱饱，就起行。
张贴
