大快活 (已結業)

今日临返工之前，提早啲去咗屯门建生𠮶边嘅大快活买早餐食，我叫咗鸡扒早餐外卖，加多个细火腿通粉，集团式嘅餐厅出餐速度快就基本，唔使5分钟就攞得，当然可能𠮶阵时太早仲未有太多人。返到公司打开个外卖盒谂住食个靓早餐，点知佢个脆炸薯饼竟然转咗三粒烧卖畀我，而佢竟然冇通知我，当然攞嘅时候冇睇清楚都有唔啱嘅，但系全个餐最好食嘅薯饼咁就冇咗真系有啲唔抵。个餐嘅味道冇咩问题，鸡扒皮煎得香脆，烧卖正常味道，火腿通啲通粉冇话煮得太淋，正常早餐一个。