Bittersweet (已結業)

由于间舖头好细大约只系可以坐到 15人，今次我哋都系第一次一家三口去食。 好彩我哋早去所以唔使等就有得坐， 嗌咗两个all day breakfast ，摆盘好靓呀！虽然啲人话系现成嘅食材焗番熟 但其实我喺出面食过嘅都系差不多啦，唔通期望$60个餐，佢会手制香肠咩🙈 特别钟意佢嘅蛋沙律同乳酪，蛋香同质地都刚刚好，有乳酪又令到个餐好似健康d 🤣牛角包就一般咋，如果热返少少就好。 粟米沙律啲菜都新鲜嘅同爽脆！ 另外我嗌咗杯鲜奶咖啡，其实都系一般🙈 以为有拉花点知原来冇 👉🏻👈🏻 店舖嘅黑板墙好靓，如果唔系有其他人我都好想坐低打卡。途中有其他人想入嚟食，但因为已经坐满，职员都有同佢哋讲起码要等一个钟，因为大家都系啱啱坐低。。 有人讲过呢间嘢服务态度唔好，但其实我觉得如果佢咁样提醒你，反而系一个好服务，唔会要你白等咁耐。