海景餐廳

营业中

休息中

今日系红磡食早餐周围揾地方，见到呢间海景餐厅个名好似好劲咁，我同朋友就入咗去试伏，点知环境噏耷到呢，又冇海景又污糟，仲要我等。（因为附近应该有个新楼盘好多地产仔喺度打趸）🙂🙂搞咗一轮终于入到去，叫嘢食𠮶阵个阿姐呢系讲普通话嘅，咁我同个朋友嘅普通话都唔系好标准啦！个阿姐完全听唔明我地想食咩，最后要指住个餐牌佢先至识落单呀。🙃🙃咁服务差、环境差都算啦！我哋可以讲吓啲食物啦，点知一嚟到𠮶个热朱古力得半杯，仲要个杯劲大阵漂白水味，然后我哋嗌咗两个早餐都系有沙嗲牛肉嘅，但系就得几粒牛，劲少料！最后我朋友话佢杯热奶茶有苦涩又难饮！应该唔会再嚟！🫠🫠