影片
更多
2011-08-02
218 浏览
呢个月密密要做检查及覆诊 , 一个月内不同日子 , 三日早上都到依道食早餐 , 第一次食【香茅猪扒一丁面 + 冻奶茶】, 员工价HK$20.5元 , 访客价 HK$25.5元 , 第一次收银姐姐当咗我系医管局职员 , 冇问我情况下收咗我 HK$20.5元 , 呢个价真系超抵食 , 碗面好大碗块猪扒都 OK 大块 , 就算收我访客价 HK$25.5 元 , 我都觉得抵食过街嘅茶餐厅。现在街外一般茶餐厅 , 一份西式早餐 , 一碗食唔饱及好细碗嘅沙嗲牛肉面 , 牛肉得三四薄片 , 个伊面底唔知咩野牌子 , 连大光面都不如 , 份量又细又食唔饱。另餐包奄列 , 块餐包细到一啖咬哂落口 , 奄列又系细到无谱 , 内里馅真系少到无伦 , HK$25元不如留番下昼 , 去食个炒粉面饭下午茶餐好过。但呢道个面餐确实系够饱 , 但系唔同就系快餐形式 , 要自己拎餐自己招呼自己啰! 果道辣椒油都几香几辣 , 食碗面加几滴唔使多已经够香。现场仲有大电视一部 , 不停播放新闻 , 虽然系闷闷地 , 但系都好过冇丫 , 系咪?!比起上手【城轩】一定好食好多 , 再比起前一手【大家乐】, 我就觉得各有各好。现在
现在街外一般茶餐厅 , 一份西式早餐 , 一碗食唔饱及好细碗嘅沙嗲牛肉面 , 牛肉得三四薄片 , 个伊面底唔知咩野牌子 , 连大光面都不如 , 份量又细又食唔饱。另餐包奄列 , 块餐包细到一啖咬哂落口 , 奄列又系细到无谱 , 内里馅真系少到无伦 , HK$25元不如留番下昼 , 去食个炒粉面饭下午茶餐好过。
但呢道个面餐确实系够饱 , 但系唔同就系快餐形式 , 要自己拎餐自己招呼自己啰! 果道辣椒油都几香几辣 , 食碗面加几滴唔使多已经够香。现场仲有大电视一部 , 不停播放新闻 , 虽然系闷闷地 , 但系都好过冇丫 , 系咪?!
比起上手【城轩】一定好食好多 , 再比起前一手【大家乐】, 我就觉得各有各好。现在【美心】俾人感觉清新整洁好多 , 现场好多【美心】职工 , 制服大都采用西装西裤西裙 , 个个都著得好似 OL 咁 , 感觉焕然一新 , 水吧装修都好新净前卫。但枱櫈都系采用旧有长方形 8~10人枱 , 配合尼龙胶椅 , 同以前都冇咩分别。
【香茅猪扒面】, 猪扒有两块 , 每块都有约 8 x 10 cm , 食落都几有香茅味 , 但稍嫌干身得滞 , 可能系已炸好好耐 , 之后再翻炸卦?! 面底佢话明系一丁面 , 但我真系食唔出系一丁面 , 可能系水吧专用伊面都唔奇 , 不过我就唔知究竟系咪 , 系咪真系有水吧专用一丁面喇! 不过食落真系好过哂出面咁多茶餐厅伊面底 , 但汤底就真系好一般 , 另加几条菜俾你都几健康 , 嘻嘻!【冻奶茶】, 讲真就认真麻麻地 , 以我标准 10 分满分 , 我只俾佢 5.5分顶哂磅 , 茶味好淡奶又唔够 , 冰反而多得滞 , 饮慢少少成杯都好易淡哂 , 叫做顶下瘾唔好要求咁高啦!
加埋我屯门医院识咁多人 , 出出入入自己真系好似职员咁 , 都几有亲切感o架! 下次一定会再帮衬啦 , 而且都会尝试下佢午餐 , 睇下佢比起再前身【大家乐】比 , 唔知系咪又更加好呢?
张贴
