小豆島日本料理 (已結業)

好少餐厅会好似日本咁早餐有饭食，虽然感觉上香港人唔系咁惯早餐食饭，但我就冇咩所谓，所以就叫左个鲭鱼饭餐。（佢仲有鳗鱼饭餐）原本个餐预设跟炒蛋既，但原来可以转boiled egg架，所以我转左，仲叫左杯咖啡。对于早餐要食好多既我黎讲，呢个餐都好够饱。鲭鱼饭有3块鲭鱼，配埋香辣雪菜同鳗鱼酱汁。虽然我唔系好食得辣，但呢只香辣雪菜唔会好辣，反而几开胃，个人几钟意。可惜只蛋就冇咩蛋味，而咖啡就正正常常啦。个餐$36，价钱都正常。不过我好似刚刚遇到佢加左价先黎食，又会咁桥既，哈。