再臨閣

营业中

休息中

YMCA hotel个staycation包埋自助早餐，可能太多人去staycation所以早餐要入住𠮶日已经book定，佢有3个timeslot，每个timeslot食大约1个钟。我地谂住都唔会太full，点知前一日6点钟上去个网book已经得番最早个timeslot，所以建议如果大家系staycation的话一登记入住𠮶阵就book埋第二日早餐，先拣到心水timeslot。我地预早左5分钟去到餐厅，要喺门口排队等入座，个位置都系䢂口，有啲迫。入座后就出去拎野食，走廊同拎野食排队嘅地方都比较窄，行过都要小心拎住野食惊撞亲人。每条队都几长，难怪佢要分timeslot用膳。野食选择唔少，有沙律、炒蛋、蒸点、点心、炸鱼柳、beacon、水果，平时酒店自助餐有嘅野佢都有齐，饮品方面可以自己冲咖啡或者奶茶。啲野食全部都好好食，特别系个鱼柳，炸到恰到好处。啲食物拎番去之后都仲系好热，温度控制得几好。座位大部分都唔错，落地大玻璃望到1881方向或者太空馆方向，都系尖沙咀地标。