帝景軒 (已結業)

Staycation入住帝景酒店。两个人如果连早餐，房价大约加多一百蚊。因为酒店附近好 荒芜冇咩餐厅，所以我哋就留返酒店享用早餐。呢到嘅早餐是美式早餐。现实同网站卖相好大出入。不过$50嘅价钱，本身期望都唔高，所以都冇失望。如果要同出面快餐比，呢个酒店早餐略胜一筹。鸡扒冇雪藏味；薯饼微暖但外皮都够脆，并非隔夜或翻炸薯饼；煎蛋蛋黄半生熟有流心效果；生果够甜。英式松饼同通粉就非常普通，不值一提。饮品可以自由斟，基本牛奶、果汁、咖啡，茶都有。整体来说，价钱同品质成正比。住开呢间酒店又懒揾早餐， 不妨一试。