時代冰室 (One Madison) (已結業)

第二次黎食早餐，第一次可能新开冇耐，唔使等位，今次已经要喺门口攞飞等一阵， 九点半都坐满。首先想讲，份早餐真系大份又抵食， 一份餐入面有火腿奄列配餐包(餐包可以选择多士、牛角包，仲做免费转迷你菠萝包)， 仲有瑞士鸡翼捞面。火腿奄列好足料，入面包满火腿， 一啲都唔求其。瑞士鸡翼捞面真系大份到食唔晒， 直头饱到午餐都唔使食， 最钟意系加咗啲葱油， 再自加少少辣椒酱，好食第一次嚟比较好， 迷你菠萝包啱啱出炉仲暖身， 同埋瑞士鸡翼嘅质素都做得比较稳定😃 第二次差咗少少，因为一只鸡翼争少少先至熟透，而第二只就太熟，一叉落去就烂晒。 希望下次再嚟可以保持到水准