堅信號上海生煎皇 (眾安街) (已搬遷) 新店位置

之前听病人讲过，坚信号既早餐粢饭唔错，但新都城中心（景林）既坚信号，就已经无做早餐，可能周遭太多餐厅，竞争太大。 星期三经过旺角既分店，见粢饭餐＄19，但赶时间去西贡会合朋友，只能匆匆一别。 今日黎到荃湾，一见到坚信号个招牌，就唔洗谂食咩早餐。 但可能有区域性因素，荃湾既粢饭餐系卖＄23。 一见到个粢饭，真系好大件，好足料。我谂佢吸引人既地方，就系够实在，饱肚，重点系，中间既内涵——油炸鬼够脆，够脆，成件事就争好远。当然，佢既油炸鬼唔系传统个种，而系类似而家有d酒楼既“脆脆肠”，所谓既“油炸鬼”，系麺团方面，一定有再作调配。热豆浆够热，有d甜，但唔会太漏。不过，就强列建议一个粢饭两份食，因为一个人食，个量实在有d多，再者，试多d野，会仲开心。佢有个餐，系外婆红烧肉配米粉，虽然，我觉得佢实唔会系我姥姥整出黎既味道，但早餐有红烧肉食，见到已经觉得好开心！备注：我食紧个阵，有个婆婆黎买外卖，佢要8个粢饭，似乎即刻KO左铺头既现货。跟住有个女仔黎买粢饭，店员就话：唔好意思，要等二十分钟。当时9点15左右，所以，如果撞正一批卖晒，就真系要有d耐性，等一等新鲜再出炉。