君戶鍋貼大王 (已結業)

锅贴大王终于开张，今日见有时间就过去试下啦。间舖几深，有唔少枱，朝早九点零去到大把位，坐低拣野食，我地系为左锅贴而黎，就梗系嗌锅贴啦，另外嗌份葱油饼，一人一个粢饭同一杯豆浆。锅贴$16五只：热辣辣，咬我落去仲有啲唔知系肉汁定系油bi出嚟，入口淡淡肉。豆浆$11：正常嘢，够冻。粢饭$20：啲饭入面包住肉松同榨菜，仲有一碌油炸鬼。都几好味，旧油炸鬼都仲脆，成个饭热辣辣。葱油饼$9：我地食到一半，有个店员走埋嚟同我哋讲—使唔使取消，个葱油饼佢话要等。我系度谂等乜野。原来𠮶阵时佢地连面团都未搓。咁我哋就梗系话取消㗎啦，点知要等到几时啊。点知其他嘢食都差唔多完嘅时候，个葱油饼上碟㖞。咩事呀？唔系取消咗紧咩？ ！好乱啰。我哋俾钱嘅时候听到隔离枱嗌早餐套餐。好奇怪点解我哋张枱冇呢张餐牌嘅...我哋唔知，所以嗌嘅全部都系散嗌啰。