土司工坊 (荷里活廣場) (已結業)

仲记得Toast Box啱啱开张嘅时候，一份早餐只系廿几蚊，我最钟意食佢嘅花生酱多士餐，件多士够大份， 啲花生酱又香，煎蛋系流心嘅，同埋佢杯南洋咖啡真系好香，味道一流。但系而家就唔同啦。首先唔讲佢已经加到40几蚊一份早餐，佢个花生酱多士唔知点解好硬，又难咬，唔小心啲食真系可能会整亲牙肉。仲有佢嘅奶茶，唔知系咪落得太多炼奶，得个甜字，试过饮到一半要叫佢加多啲茶俾我。依家有时行过都好想食佢嘅早餐，但系谂起啲质素一路下降紧，都会选择食其他餐厅。如果迟啲有机会，我都想再试下佢嘅早餐，睇吓有冇改善。