桃園制作粥麵餐廳 (海悅豪園) (已結業)

平时食晏时间好多时会经过呢间桃园，今日终于嚟呢度食早餐喇。入面都几大，唔逼，虽然服务麻麻，但系早餐种类多：有英式早餐，粉面，粥，连糭，炒面，鱼肉烧卖，猪肠粉等等都有，味道亦可以。香煎鸡扒汤米线配半焗流心蛋，加$3蒜香牛油厚多士，都系一般嘅早餐茶餐汤米线，味道正常，多士够厚。运“账”肠粉拼烧卖、萝卜糕，同事贪得意食，萝卜糕煎到有啲黑不过无㶶味，其他都系同街边买嘅小食差唔多。吉列鱼柳·鲜奶炒滑蛋配餐肉，+$6轻量火腿丝通粉，鱼柳都算大件同厚，唔会炸得太干，多士一样厚又，而且搽上面牛油蒜茸都几多，通粉嘅汤几浓但唔会过咸，我觉得呢间嘅通粉好味。溏心皮蛋瘦肉粥配地道油炸鬼，无咩好鞋嘅肉丝喺里面，剩系有又绵又够味嘅粥底同皮蛋，油炸鬼新鲜又脆，呢个套好味。火腿炒蛋菠萝包，应该唔系新鲜出炉，似客人点餐后再入焗炉加热，不过酥皮都系脆，有少少干，都可以嘅。