民華餐廳

营业中

休息中

通常星期六都会买个早餐番屋企慢慢叹，不过食得太兴多都真系有d 闷。行行下行到去民华，其实开张果时食过一次，不过果时食左个劲酸既蕃茄汤通粉，食完疴足几日，一直唔敢再黎堂食😓。 人类要起失败既地方企番起身，所以决定比多次机会佢。(Ps. 佢门口d 面包几好食，我就有帮衬的，只系我对入面d 野食有d 阴影）✨早餐黎食常餐，平左4蚊。通粉类别都算多，平时食亲都系火腿通，今次㨂下其他先。✨个蛋颜色比较淡，望落比较湿，不过食落都几滑，系略嫌佢碎湿湿。✨叉烧望落都几多㖞✨方包系厚切，居然仲有两块添，入边已经搽左牛油，啱晒我呢d 懒人。方包软熟，牛油几香，最钟意夹埋蛋同火腿一齐食。我呢d 雀仔胃，其实食完块包已经饱左。✨汤底另上，通粉保持弹牙。个汤几香，加埋叉烧带甜。数数手指叉烧有成六块，虽然好瘦，但因为薄切，食落唔算太硬，味道都唔差。 ✨早餐黎讲份量十足，饱到当埋晏昼果餐。今次黎食觉得味道都ok, 对佢改观番😆。